निर्देशक दिनेश डिसी अमेरिकामा सडक दुर्घटना परि घाइते भएका छन्। उनीसँगै सवार रहेकी पत्नीको देब्रे हातको औला भाँचिएको छ। उनीहरु चढेको गाडीलाई विपरित दिशाबाट आइरहेको गाडीले लेन परिवर्तन गर्ने क्रममा ठोकिन्न पुगेपछि असन्तुलित भएको गाडी बिजुलीको पोलमा ठोक्की दुर्घटना परेको हो।
डिसी पत्नी रानूको औला भाँचिनुको अलावा अनुहारमा चोट लागेको छ जसका कारण उनको अनुहारमा १२ टाँका लगाइएको छ । ब्राकेनरिज अस्पतालमा सात घन्टा लामो उपचारपछि दुवैको डिस्चार्ज भएको डिसीले बताए । दुर्घटनामा डिसीको छातीमा चोट लागेको छ।
दुबै जना खतरामुक्त रहेका छन्, डिसीलाई ठीक हुन पाँच दिन र उनकी पत्नीलाई ठिक हुन् ६ हप्ता लाग्ने चिकित्सकले बताएको जानकारी डिसीले सेतोपाटीलाई दिएका छन्। डिसी शनिबार बिहान एटलान्टा उड्न अस्टिन एयरपोर्ट जाने क्रममा दुर्घटनामा परेका हुन् । डिसीले १५ डिसेम्बरमा नेपाल फर्कने जनाएका छन्।
0 on: "अमेरिकामा दिनेश डिसीको दुर्घटना, पत्नीको औंला भाँचियो, अनुहारमा १२ टाँका"