घरमै बसी नेपाली चलचित्र : नयाँ भर्सनमा हाम्रोमुभी डटकम

काठमाडौं – विदेशमा बस्ने सम्पूर्ण नेपालीलाई मध्यनजर गर्दै हाम्रो मुभि डटकमबाट सजिलै फिल्म हेर्न पाइने भएको छ । विधि प्रा.लि र हाईलाईट्स नेपालले हाम्रोमुभी डटकममार्फत घरमै बसेर सजिलै नेपाली फिल्म हेर्न पाइने सुविधा सुरु गरेको हो ।अब ५.९९ अमेरिकी डलरमाहाम्रोमुभी डटकम को मासीक ग्राहक बनेर नयाँ नयाँ नेपाली फिल्म सजिलै हेर्न सकिने विधि प्रा.लिका प्रमुख कार्यकारी अधिकृत सुवास सापकोटाले जानकारी दिएका छन् । मास्टर कार्ड, अमेरिकन एक्स्प्रेस, भिजा कार्डलगायत नेटवर्कमा रहेका कुनै पनि डेबिट कार्ड, प्रिपेड कार्ड र क्रेडिट कार्डबाट हाम्रोमुभी डटकमको ग्राहक बन्न सकिनेछ । हाम्रोमुभी डटकमको ग्राहक बन्ने बित्तिकै अहिले ४० वटा नयाँ तथा पुराना नेपाली फिल्म हेर्न सकिनेछ भने प्रत्येक महिना ४ वटा फिल्म हाम्रोमुभी डटकममा थिपिँदै जानेछ ।

नेपालका हलहरुमा प्रर्दशन हुने नयाँ फिल्महरु पनि चाँडै हाम्रोमुभी डटकमबाट देखाउने प्रबन्ध मिलाउने हाईलाईट्स नेपालका प्रमुख ओम प्रसाद गुरुङले बताएका छन् । हलमा प्रदर्शन भएका फिल्म हेर्नका लागि विदेशमा बस्ने नेपालीले वषौँ कुर्नु पर्ने र महंगो टिकेट काटेर मात्रै हेर्न सक्ने बाध्यतालाई हटाउन हाम्रोमुभी डटकमले यस्तो सेवा उपलब्ध गराएको हो ।

ग्राहक बन्नका लागि प्रयोग गरिएको कार्डको कुनै पनि जानकारी हाम्रोमुभी डटकमले नराख्ने भएकाले कार्डबाट पैसा चोरी होला भनेर डराउनु नपर्ने जानकारी कम्पनीका टेक्नीकल म्यानेजर दिपक पाण्डेले दिएका छन् । नेपाली फिल्मको बढ्दो मोहलाई अझै वृद्धि गरी नेपाली भाषा, संस्कृति र नेपालीबीचको एकतालाई बढाउनमा हाम्रोमुभी डटकमले राम्रो भुमिका खेल्ने कम्पनीको विश्वास छ ।
विदेशमा रहेका नेपालीमाझ छिटो भन्दा छिटो पुर्याउनु नै हाम्रोमुभी डटकमको मुख्य लक्ष्य रहेका कम्पनीले जनाएको छ ।