एक ५ बर्षीय बालक जसका कुराहरुले बैज्ञानिकहरु पनि तर्सीन्छन्

भारत उत्तर प्रदेशको शाहबाद तहसील क्षेत्र गाउँ तारापुरमा एक ५ बर्षका बालकको कुराहरुले बिश्वका ठूला ठूला बैज्ञानिकहरुलाई नै आश्चर्यमा परेका छन् । किनभने ति ५ बर्षीय बालकका एक श्रीमती र तिन छोराछोरी छ भन्दा जो कोहिलाई पनि आश्चर्य लाग्न सक्छ । यदि तपाई पूर्व जन्ममा बिश्वास गर्नुहुन्छ भने यि बालकको पूर्व जन्म भएको बताइएको छ । खबरका अनुसार, ५ बर्ष महिला लालाराम यादवको घरमा जन्मीएका राजेश ३ बर्षकै उमेर बाट आफ्नो एक श्रीमती भएको बताउने गर्थे । पहिले त सबै जना बच्चाले त्यतिकै भनेको सोची बेवास्था गर्ने गर्दथे । जब उक्त बालक ५ बर्षका भए तब उनले गाउँभरि त्यहि पुरानो कुराहरु दोहोर्‍याउन थाले ।

५ बर्षीय राजेशले नै उनको एक श्रीमती र ३ छोराहरु भएको कुरा बताउँथे । त्यतिमात्र नभइ आफ्नो पुरानो घर देखि लिएर उनको हत्या सम्मका सबै कुरा बताउने गर्दथे । उक्त बालकले भनेको कुरा र आफूले चिनेको एक परिवारको कथा एउटै लागेपछि एक व्यक्तिले तारापुर गाउँबाट १५ किलोमिटर टाढा खरसोल गाउँमा बस्ने लक्ष्मी देवीलाई उनको पति (विशम्बर सिंह) जिउँदै भएको र अर्को जन्म लिएको कुरा बताए । लक्ष्मीको पतिको मृत्यु २०१० मा गाउँकै कोहि अज्ञात समुहले गोली हानेर हत्या गरेका थिए । आफ्नो मृत्यु भन्दा अगाडी उनले गाउँमा ठेलागाडीमा पकौडा बेच्ने काम गर्दथे ।





जब लक्ष्मी आफ्नो छोराहरुको साथमा ५ बर्षीय बालक राजेशको घरमा पुगे तब राजेशले उनलाई पत्नी र साथमा गएका केटाहरुलाई आफ्नो छोराहरु भएको बताए । त्यसपछि राजेशलाई उनको पहिलो जन्म भएको भनिएको घरमा पुर्‍याइयो । त्यहाँ राजेशले आफ्नो घर स्वयं पहिचान गरेका थिए । यो अनौठो घटनाले आजको यो आधुनिक युगमा पनि यस्तो पुनर्जन्मको कुराको यस्तो घटना सुन्दा बैज्ञानिक तथा विश्वास नलाग्नेहरुको लागि भने प्रश्न नै बनेको छ ।