सभासद् किन्न भारतबाट रातारात डेढ अर्ब रुपैयाँ काठमाडौ आयो, भारतीय दूतावासबाट वितरण हुँदै

 काठमाडौं, २३ असोज । शनिबार राति भारतबाट झण्डै डेढ अर्ब रुपैयाँ काठमाडौं पुगेको छ ।

भारतको चेन्नाईबाट नेपालस्थित राजधानी काठमाडौंको लैनचौरमा रहेको भारतीय राजदूतावासको खातामा ९५ करोड भन्दा बढी भारतीय रुपैयाँ आएको स्रोतबाट भर्खरै जानकारी प्राप्त भएको छ ।

भोली(आइतबार) हुने प्रधानमन्त्रीको निर्वाचनलाई सांसद खरिद गर्न र केपी ओलीलाई हराउन भारतले गोप्य रुपमा रातारात नेपाल पैसा पठाएको उच्च स्रोतले जानकारी दिएको हो ।

राति साढे ८ बजेको समयमा उक्त रकम चेन्नाईबाट नेपालस्थित भारतीय दूतावासका कर्मचारी (Turai murgan)को नाममा SBI बैङ्कको (A/C number- 77008903617) मार्फत ९३ करोड भारु ट्रान्स्फर भएको जानकारी भर्खरै प्राप्त भएको छ ।

पैसा काठमाडौं आएपछि केही सभासद भारतीय दूतावास लैनचौर पुगेका छन् । दूतावासले बार्गेनिङमा रहेका केही सभासदलाई पैसा बाँडिरहेको बुझिएको छ । प्रति सभासद पचास लाखका दरले पैसा बाँडिएको स्रोतको दाबी छ ।