कहाँ-कहाँ बाँडिदै छ आज पेट्रोल ? (सूची सहित)

आश्विन २६, २०७२- नेपाल आयल निगमले मंगलबार सबै पम्पबाट पेट्रोल बाँड्ने तयारी गरेको छ । दसैं नजिकिएपछि यात्रुलाई गन्तव्यतर्फ र सवारी चलाउन सजिलो होस् भनेर निजी सवारीलाई इन्धन वितरण गर्न लागेको निगमले जनायो । ‘मंगलबार उपत्यकामा रहेका सबै पम्पबाट पेट्रोल वितरण गर्ने योजना छ,’ निगमका प्रवक्ता दीपक बरालले भने, ‘दसैंका लागि निजी सवारी साधनले तेल पाउने छन् ।’ गृह मन्त्रालय, वाणिज्य, सुरक्षा निकाय र निगमसहित शनिबार भएको बैठकले निजी सवारीलाई पेट्रोल दिने निर्णय भएको थियो । सोहीअनुसार आयल निगमले पेट्रोल वितरण गर्न लागेको हो । निगमका अनुसार उपत्यकामा करिब १ सय २५ पम्प छन् । ती सबै पम्प गरेर करिब ६ सय किलोलिटर पेट्रोल वितरण गरिने प्रवक्ता बरालले बताए । अघोषित नाकाबन्दीले इन्धन आयातमा कमी भएपछि निगमले वितरणमा भारी कटौती गर्दै आएको छ । दैनिक ३ सयदेखि साढे ३ सय किलोलिटर वितरण हुने पेट्रोल अहिले ४० देखि ५० हजार लिटर मात्रै वितरण गर्दै आएको छ । यस्तै डिजेलमा वितरणमा पनि कटौती गरेर औसत १ लाख ५० हजार लिटर वितरण गर्दै आएको छ । यसअघि दैनिक साढे ४ सय किलोलिटर डिजेल वितरण हुन्थ्यो । मंगलबार मोटरसाइकल र कार/जिपमा जोरबिजोर लागू नहुने बताइएको छ । निर्णयअनुसार मोटरसाइकललाई ५ लिटर र कार/जिपलाई १५ लिटर इन्धन दिइने छ । ‘सबैले पेट्रोल पाऊन् भन्ने उद्देश्यले ६ सय किलोलिटर पेट्रोल वितरण गर्ने योजना बनाएका छौं,’ उनले भने । यातायात व्यवस्था विभागका अनुसार वाग्मती अञ्चलमा ८ लाख २८ अजार १ सय ७९ वटा निजी सवारी (मोटरसाइकल/कार/जिप/भ्यान) दर्ता भएका छन् । जसमध्ये ६ लाख ५७ हजार मोटरसाइकल/स्कुटर दर्ता भएका छन् । यस्तै १ लाख ३ जार ७ सय ९२ कार/जिप/भ्यान दर्ता भएको विभागको तथ्यांकमा छ । निगमका अनुसार उपभोक्ताले पेट्रोल लिन ब्लुबुक लिएर पम्पमा जानुपर्ने छ । निगमका अनुसार मंगलबार थानकोट डिपोबाट विभिन्न लटअनुसार पेट्रोल बोकेको ट्यांकर उपत्यकामा पठाइने छ । पहिलो लट ११ देखि १२ बजे थानकोटबाट ट्यांकर उपत्यका लागि छुट्ने छन् । ती ट्यांकरले उपत्यकाका विभिन्न पम्पहरूमा पेट्रोल वितरण गर्ने छन् । पहिलो लटको इन्धन वितरण गरेपछि ट्यांकरहरू पुन: थानकोट डिपोमा पुगि पेट्रोल उपत्यकामा पठाउने छन् । उपभोक्ताले पनि सोहीअनुसार पेट्रोल पाउने निगमले जनायो । ‘विभिन्न लट अनुसार इन्धन उपत्यकामा पठाउँछौं । पहिलो लट १२ बजेभित्र उपत्यका पुग्छ,’ प्रवक्ता बरालले भने, ‘पम्पले इन्धन पाउने बित्तिकै वितरण सुरु हुन्छ ।’ थानकोट डिपोबाट ६/७ बजेसम्म ट्यांकर पठाइने उनले बताए । यस्तै मंगलबार डिजेल वितरणमा भने केही कटौती गर्ने निगमको तयारी छ । मंगलबार मुख्यत: पेट्रोल वितरणमा केन्द्रित हुने भएकाले सीमित मात्रामा डिजेल वितरण गर्ने निगमको योजना छ । सोमबार ८६ पम्पबाट ४ लाख ७ हजार लिटर डिजेल वितरण गरिएको थियो । यस्तै इन्डियन आयल कर्पोरेसन (आईओसी) ले नेपाल पठाउँदै आएको इन्धनको लोडिङमा वृद्धि गरेको छ । केही दिनअघि फाट्टफुट्ट (१० प्रतिशत) मात्रै लोड दिँदै आएको निगमले सोमबार ६२ ट्यांकरमा लोड दिएको छ । बरालका अनुसार सोमबार १ सय ९६ ट्यांकर लोडिङका लागि गएका थिए । तीमध्ये सिलगुडी नाकामा २२, धनगढीमा २२ र नेपालगन्जमा १८ ट्यांकरमा लोड भएको निगमले जनायो । इन्धन लोड भएको ट्यांकर भने नेपाल नभित्रिएको जनाएको छ । ‘सोमबार लोड भएको ट्यांकर नेपाल छिरेको छैन,’ बरालले भने । साढे ८ लाख मोटरसाइकल/कारलाई ६ लाख लिटर बाँडिने, सीमित मात्रामा डिजेल वितरण हुने, थानकोट डिपोबाट पहिलो लट ११–१२ बजे छुट्छ, सोहीअनुसार पम्प र उपभोक्ताले पायला